ಆಗೀಗ ಗೀಚಿ ಮರೆತ ಸಾಲುಗಳು, ಡ್ರಾಫ್ಟ್ ಫೋಲ್ಡರಿಗಿವತ್ತು ಒಂದಿಷ್ಟು ಮೋಕ್ಷ

೧
ನಿನ್ನ ನೆನೆಯುತ್ತಾ
ಸಣ್ಣ ಹನಿ ಮಳೆ
ಗರಿ ಬಿಚ್ಚುತ್ತಿರುವ ನವಿಲು
ಒದ್ದೆ ನೆಲ
ಮಳೆ ಗಂಧ
ಅಲ್ಲೊಂದು ಕಾರ್ಮೋಡ
ಮತ್ತೆ ಗುಡುಗು
ನಡುಗುವ ಒದ್ದೆ ಹಕ್ಕಿ

೨
ಒಂದಿಷ್ಟು ಮೋಡದ ತುಣುಕು,
ಚಂದ್ರನ ಚೂರು,
ಚಹಾ ಬಟ್ಟಲಿನಿಂದೇಳುತ್ತಿರುವ ಹಬೆ...
ನಕ್ಷತ್ರಗಳ ಹುಡುಕಬೇಕಿದೆ,
ಬಂದುಬಿಡು

೩
ನಿನ್ನ ದನಿ ಕೇಳದ
ಈ ಕ್ಷಣಕ್ಕೆ
ಎದೆಯ ಸದ್ದುಗಳನ್ನಡಗಿಸುವ
ಅಬ್ಬರದಲೆಗಳ
ಸಮುದ್ರಸಾನ್ನಿಧ್ಯದ ಬಯಕೆ
,